Кулятне

29.10.2009      КУЛЬТУРАТЬ АШ КОДА КЕЛЬГОМС СОДАМОШИФТОМА!

Моли мокшэрзянь народть V съездоц. Ня шитнень кеподеви лама таколфты кизефкс, конат сотфт народоньконь культуранц, коензон, кяленц мархта. Надиятама, примавихть корязост эрявикс решеният. Ламось тя тевса ащи од ломаттнень эздовок. Пара азомс, што тяни аф кржа стирьда и церада, конатнень седисна пичедихть культураньконь инкса. Тяфтама од ломатть тонафнихть Н.П.Огаревонь лемса МГУ-нь Национальнай культурань институтса. Ня шитнень корреспондентоньке васьфнесь Национальнай культурань институтть директоронц Татьяна Николаевна СИДОРКИНАТЬ мархта и эняльдсь отвечамс кизефксонзон лангс.    

29.10.2009      НАЦИОНАЛЬНАЙТЬ ВАНФТОМАСА ТЕЙНЕК ЛЕЗДЫ МОРДОВИЯСЬ

Мокшэрзянь народсь эряй Россиянь ламоц региоттнень эзга. Оцю диаспораньке Оренбургскяй, Самарскяй, Пензенскяй, Ульяновскяй и лия  областтнень и республикатнень эса. Кода сотцеви, мокшэрзянь ломаттне ичкоздень крайса эрязь аф юмафнесазь сотксснон историческяй родинаснон мархта, мяляфтсазь атянь-атяснон койснон-обуцяснон, иласнон, содасазь и тонафнесазь мокшэрзянь кяльхнень. Аф кунара тейнек удалась улемс Пензенскяй областень Бессоновскяй райононь Кижеватова мокшень велеса. Кода тячи эряй-ащи велесь, кодамот тевонза-заботанза, пичефксонза, азонды тостонь эряйсь, мокшавась В.И.КОЗИНА.    

29.10.2009      ГЕНЕРАЛСЬ Н.Т.АНТОШКИН ВЕШЕНДИ И МУШЕНДЫ МОКШЭРЗЯНЬ ЮР МАРХТА СОДАФ ЛОМАТТЬ

Васенда нюрьхкяняста сонцень генерал-полковникть, Советскяй Союзонь Геройть Н.Т.Антошкинонь колга. Николай Тимофеевич национальностьс коре мокша, шачсь Башкортостан Республикаса. Сон профессионально-военнай летчик. Примась участия Афганистанонь, Абхазиянь, Чечнянь событиятнень эса. Ульсь организаторкс и участникокс Чернобыльскяй     АЭС-са авариять машфтомаса. Н.Т.Антошкин авиациянь командующаель, тяни—Советскяй Союзонь и Россиянь Героень Клубть Председателец.    

29.10.2009      Мокшень композиторсь, Мордовия Республикань Народнай артисткась Н.В.КОШЕЛЕВА: «СЕМБЕ АРЬСЕФСЬ ЁТАФТОМА ЭРЯФС!»

—Нина Васильевна, азонтт, пожалуйста, Мордовия Республикань Композиторонь союзть эряфонц колга. Мезе тиф тядде? Мезьса заняфтада тяни?

—Тядде Союзсь етафтсь лама пуромкс. Сембода мяляфтовихне эздост—тя Мордовиянь райононь эряйхнень мархта васедематне. Якаме Старошайговскяй, Ичалковскяй, Ромодановскяй райоттненди. Ня васедематнень эса примсесть участия композиторхт и исполнительхть. Кода ингольдень кизотнень, тиендеме благотворительнай концерт «Надежда» идень приютса. Ноябрьста аноклатама етафтомс од композиторонь семинар. Эсонза примайхть участия шабат Саранскяень музыкальнай школаста и училищаста. Мяленьке тя семинарть пингста мумс иттнень еткста афкуксонь «тяштенятнень» и сяда тов касфнемс асуснон.

   

29.10.2009      «ПАВАЗУФТАМА, МЕС ЭРЯТАМА МОРДОВИЯСА»

Дмитрий и Ирина Агейкиттне васьфнесть кота кизот. Кафцьке шачсть-кассть Саранскяйса. А знакомондасть синь, мзярда  кафцьке идькс пингста яксесть инжикс атяснон-бабаснон шири.

Аф кунара Дима и Ирина рьвяясть. Агейкиттне эряйхть башка тядяснон-аляснон эзда квартираса, конань казезь теест Иринань родителенза.

   

29.10.2009      МОРДОВИЯСЬ—ЧЕМПИОНОНЬ РЕСПУБЛИКА

Пара мяльса, гордостень марязь тячи азондсаськ, што спортсь Мордовияса путф-кепотьф пяк вяре вастс. Мокшэрзянь краеньке лемневи сембодонга спортивнай республикакс, олимпийскяй республикакс. И тя аф стак. Тянь можна кемокстамс лама примерса. Ваносте, мзяра мекольдень кизотнень миньцонк строяф спортивнай объектта: «Мордовия» спорткомплекссь, «Старт» стадионць, Спортонь дворецсь, Ледовай дворецсь, тенниснай стадионць, лыжно-биатлоннай центрась, греко-римскяй бороцямань школась, велодропт, конат сембоса отвечайхть международнай стандарттненди.    

29.10.2009      Россиясь—Мордовиясь 1000 КИЗА МАРСА

Российскяй Федерациянь Президентть Дмитрий Медведевонь мордовскяй народть Россиянь лия нароттнень мархта 1000 киза ладязь эрямаснон праздновандаманц колга Указонц оцюдонга оцю значенияц аф аньцек минь республиканьконди—Мордовияти, но и марнек сембе Отчизнаньконди. Аньцек лама плямаста, лама этносста кочкавсь вии Русь, Россиясь, Российскяй империясь и тяниень Российскяй Федерациясь. Мордовскяй этноссь сембе пинкнень аф аерфтовиста сотнефоль лама народонь государствать мархта.    

29.10.2009      САРАНСКЯЙСА ПАНЧФ ГЕМОДИАЛИЗОНЬ ЦЕНТРА

Саранскяйса панчф Гемодиализонь профильнай центра. Гемодиализсь—тя верть аруяфтоманц коряс процедура, кона эрявксни ся ломаттненди, конатнень аф шумбрат пичемарьсна.

Гемодиализонь од центраса ладяф медицинскяй оборудованиясь тиф Германиянь «Фрезениус» компанияса. «Искусственная почка» тяниень пингонь аппараттнень вельде мольфтеви компьютернай контроль диализнай процедуратнень етафтомста.

   

29.10.2009      РЕСПУБЛИКАНЬКОНЬ И ГЕРМАНИЯТЬ ЁТКСА СОТКСНЕ КЕМОКСНИХТЬ

Россияса Германиянь Чрезвычайнай и Полномочнай Посолсь Вальтер Юрген Шмид примась участия васедемаса, кона етафтовсь Республикань кудса.    

29.10.2009      ОЛЕГ МАСКАЕВ ВАСЬФТИ ДОМИНИКАНЕЦТЬ АГИЛЕРОНЬ МАРХТА

Кода кармась содавома, мокшалясь, WBC версиять коряс миронь экс-чемпионць Олег Маскаев тяддень 11 декабрьста США-нь рингса васьфти доминиканецть Агилеронь мархта.