 Скульпторть Эрьзянь лемоц лац содаф и эсь странасонк, и омба масторса. Мордвинць Степан Дмитриевич Нефедов эстеенза псевдонимонди сявозе мордовскяй народть этническяй группанзон эзда фкять—эрзятнень лемснон. Тянь мархта сон няфтезе аф аньцек кельгомать народти, кона макссь теенза эряф, но и виденцяма сянди, што сонь талантонц, произведениянзон вийсна—национальнай самобытностть и исконнай народностть няфтемаса. Етамок эряфонь оцю школа, лац содамок и маштозь, эрекста сувафнемок творчествазонза мировой и рузонь искусствань традициятнень, скульпторсь тяка пингть фалу ляткшнесь эсь народонцты церакс.
Скульпторсь шачсь 1876 кизоня Симбирскяй губерниянь Алатырскяй уездонь Баева велеса крестьянонь семьяса. Идькс пингонц етафтозе пяк мазы васттнень эса—перьфпяле оцю вирьхть, мялень кепси Бездна ляйнясь, кона тундань шадотнень пингста крута берякованза ведензон кандозень паксятнень, пандонятнень-меснень еткова. Народнай генийть идькс пингонь произведениянзон эзда мялень инь салсихне—шуфтонь цебярьдонга цебярь резьба мархта куттне, велеряензон пяк мазыста серматф костюмсна-панарсна. удобнай и тяка пяк теждя и мялень салазь, пяк маштозь тиф-аноклаф разнай предметтне, конат эрь шиня эрявкснесть крестьянинть кудса—кувшитт, куцюфт, арзят, кодвастт-месть. Кода няйсаськ, Степан Нефедовонь художественнай маштомошинц пуроптомаса сюрекись ушедсь сембонь сянь эзда, мезсь нолявсь тевс кунардонь мокшэрзянь народть эряфса. Од скульпторть природать мархта казьф маштомошиц сяда тов козякофневсь живописень, ваяниянь и зодчествань московскяй училищаса Сергей Волнухинонь мастерскойса, сяда тов—Европань скульптурнай ательетнень эса (1907-1914 к.к.) Мордовскяй скульпторсь сисем кизот эрясь Италияса и Францияса.
1909 кизоня сон Венецияса васенцеда примась участия Международнай художественнай выставкаса, коса няфтезень «Последняя ночь осужденного» и Автопортрет" работанзон, конатнень вельде тяряфтсь няфтемс аф аньцек эсь маштомошинц, но и касфтомс рузонь искусствать авторитетонц омба масторса. Италияса и Францияса етаф кизотне арасть Эрьзянди маштомошинь пяк цебярь школакс, мезсь эвондафтсь возможность лувомс сонь ХХ векть ушетксстонь аф аньцек фкя инь талантливай, но и профессиональнай ширде лац аноклаф рузонь скульпторкс.
Годы, проведенные в Италии и Франции. явились для молодого Эрьзи великолепной школой мастерства, которая дает полное основание считать его не только одним из самых талантливых, но и профессионально подготовленных русских скульпторов начала XX века.
Москуву мрдамдонза меле С.Эрьзя сяда тов оцю мяль шарфни тематическяй ширетненди, конатнень нолязень тевс работанзон эса тяда инголе—нинге Италияса, Францияса улемстонза: авань обрасне, лац няфтьф-шарьхкотьф ваймонь таколдоматне-пичефксне, портреттне, символическяй работатне. ХХ веконь рузонь пластикаса С.Эрьзя фкя инь васенцесь няфтезе авать—«емла» народть представительницанц достоинстванц и мазышинц ("Монголка", "Эрзянская женщина", "Голова мордовки" работанза).
Комозце кизотнень ушетксста аф лотксемок сатфть лангс, С.Эрьзя стаки вешендсь од материал работанзонды. И мусь. Тя ульсь шуфтсь. "Леда и лебедь", "Летящий", "Материнство", композициятне тифт Кавказса. 1927-1950 кизотнень скульпторсь етафтозень Аргентинаса.
1927 кизоня С.Эрьзянь эряфонь киц вятезе Буэнос-Айресу. Аргентинаса апак учсек пяшкодевсь мялец сянь коряс, мезть колга арьсекшнесь ни несколька киза,—музе ся аф обыкновеннай материалть-шуфтть, конань мархта сяда тов сотф творчествац. Лемоц—кебрачо. Сонь кемешиц и строенияц пяк ладясть скульпторть произведениянзонды. Оцю эффект и артистизма макссесть скульпторть работанзонды шлифовандаф моркне-месне, конатненди ашезь тиендев обработка.
С.Эрьзянь творчестванц лац содазь омба масторса, но кржа кие лятфнезе родинасонза. А вдь эряфкшу скульпторсь аньцек сонь колганза и арьсекшнесь, улемок эздонза ширеса, и аф стак таколдсь произведениянзон судьбаснон инкса.
Советскяй Союзу С.Эрьзя мрдась 1950 кизоня. Сон ванфтозень и пачфтезень шачема ширезонза эсь работанзон—лама кизонь и виень аф ужяльдезь тиф и кой-коста аф теждяста сотф трудонц, мезсь мекпяли кандсь теенза пефтома кенярдема. И Москувонь мастерскойсонза скульпторсь стаки работась, пельсь резецонц мархта минутаска явомать, вдь самай сон ульсь теенза фкя сяка сюрекс, кона сотозе искусствать мархта и мезсь арась теенза эряфонь смузькс.
Скульпторсь Степан Эрьгя кулось 1959 кизонь 27 нябрьста. Калмазь Саранскяи, и хоть прахоц сембе пингс сотф родной мокшэрзянь модать мархта, сонь искусствац, кона аф содай границат, кеняртьфнесы сембе ломанень тналть.
Елена Бутрова,
С.Д.Эрьзянь лемса музейсь, Коммунистическяй ульцясь,
61 номер кудсь.
Телефонць: (8342)—17-64-48.
|
|
Инь эрявикссь 
