|
|
|
Календарь событий
|
|
|
Биографиязо
|
|
Мордовия Республикань Прявтось
Николай Иванович Меркушкин
Чачсь 1951 иень даволковонь 5-це чистэ Мордовской АССР-нь Инсарской райононь Од Верхисстнэ велесэ крестьянинэнь ламо эйкакш марто семиясо. Важодеме ушодсь тиринь хозяйствасо комбайнерокс.
1973 иестэ отличнасто прядызе Н.П.Огарёв лемсэ Мордовской государственной университетэнть. Образованиянь коряс – электронной техникань инженер.
Эште студентэкс улемстэ невтевсть Николай Меркушкинэнь кода общественной прятонь паро ёнкстнэ. Сон кочказель Мордовской госуниверситетэнь ВЛКСМ-нь комитетэнь секретарекс, 1977 иестэ саезь 1986 иес важодсь ВЛКСМ-нь Мордовской обкомонь секретарекс, омбоце секретарекс ды васенце секретарекс.
1986 иестэ Н.И.Меркушкин кармась вожодеме КПСС-нь Теньгушевской райкомонь васенце секретарекс. Ниледе аламо иень перть сонзэ важодемстэ добовазь покш изнявкст райононь экономической ды социально-культурной эрямосонть. Ламосо те дорбовавсь сонзэ ёндо велесэ хозяйствань ветямонь од койтнень ды лувонть тевс нолдамост вельде.
1990 иестэ Н.И.Меркушкин кочказь РСФСР-нь Коммунистической партиянь Мордовской рескомонь омбоце секретарекс.
1992 иестэ саезь 1995 иес важодсь Ули-паронь республиканской Фондонь председателекс.
1995 иень якшамковсто саезь Н.И.Меркушкин кочкави Мордовия Республикань Государственной Собраниянь председателекс.
1995 иень таштамковонь 22-це чистэ Конституционной Собраниясо кочказь Мордовия Республикань Прявтокс. Те шкастонть саезь сонзэ прявтсо республикасонть кармасть топавтовомо Мордовиянть кувать шкань экономической стакачитнестэ ды политической аладямотнестэ ливтемань коряс тевтне-кирдатне.
1998 иень даволковонь 15-це чистэ республикань Прявтонть весе раськень кочкамотнесэ Н.И.Меркушкин кочкавсь те постонтень, сонзэ кис максызь вайгелест 96,6 % кочкицятне.
2003 иень давколковонь 16-це чистэ одс кочказь Мордовия Республикань Прявтокс.
2005 иень сундерьковонь 10-це чистэ РФ-нь президентэнть мереманзо коряс МР-нь Государственной Собраниясь колмоцеде кочкизе Мордовия Республикань Прявтокс.
Н.И.Меркушкин кочказель республикань кевейкееце (1985-1990 иетне) ды кемгавтовоце (1990-1995 иетне) тердемань Верховной Советэнь, Мордовия Республикань васенце тердемань Государственной Собраниянь депутатокс. 1995-2001 иетнестэ ульнесь Российской Федерациянь Федеральной Собраниянь Федерациянь Советсэ Мордовия Республикань представителекс, ульнесь Регламентэнь ды парламетской тевтнень коряс комиссиянь председателекс, Экономической политикань кевкстематнень коряс комитетэнь председателень полавтыцякс.
Россиянь губернаторонь группасонть ловови Европань Советсэ Российской Федерациянь представителекс.
Неень шкасто – Российской Федерациянь Государственной Советэнь член, АПК-нть виевгавтомань ды велесэ социальной лиякстомань тееманть коряс комиссиянь прявт, Российской Федерациянь Президентэнть пингстэ физкультурань ды спортонь коряс Советэнь президиумонь член. Те Советсэнть массовой физической культуранть виевгавтомань коряс комиссиянь прявт.
2006 иень якшамковсто РФ-нь Президентэнть Указсонзо Н.И.Меркушкин аравтозель «Развитие агропромышленного комплекса» сехте эрявикс национальной проектэнть топавтоманзо коряс Российской Федерациянь президентэнть пингстэ Советсэнть межведомственной робочей группань прявтонь полавтыцякс.
1998 иестэ кочказь, 2002 иестэ жо одс кочказь Поволжьянь республикатнень ды областнень экономикасо вейсэ важодемань «Большая Волга» ассоциациянь президентэкс. Теке жо шкастонть, 1998 иестэ саезь сови Российской Федерациянь Правительствас.
«Единство и Отечество – Единая Россия» Всероссийской партиянь Высшей Советэнь член.
Казезь Трудовой Якстере Знамянь (1986 ие), Народтнэнь дружбань (1981 ие) ордентнэсэ, «За трудовую доблесть» (1976 ие), «За преобразование Нечерноземья РСФСР» (1990 ие) медальтнесэ.
Информатизациянь Российской академиянь академик.
2000 иестэ региононть социально-экономической витевгавтомасо покш лезксэнть ды ламо иень перть седейшкава важодеманть кис казезь «За заслуги перед Отечеством» IV степенень орденсэ.
Казезь Рузонь Православной церьковань – Благоверной князень Даниил Московскоень II степенень (1996 ие), Святой равноапостольной ине князенть Владимирэнь II степенень (2000 ие), Преподобной Сергий Радонежскоень II степенень (2002 ие) ордентнэсэ.
2001 иестэ ёвтазь «Иень ломанекс» экономиканть кепедемасо изнявкстнэнь кис.
2002 иестэ Рузонь биографической институтось (Рузонь Православной церьковань, Культурань Российской фондонь, Плеханов лемсэ Российской экономической академиянь экспертнэнь марто вейсэ) ёвтызе Н.И.Меркушкинэнь «Иень ломанекс» Россиянь сисем сехте вадря губернатортнэнь ютксо.
Урьвакстозь. Кавто цёранзо. |
|
|
Сехте эрявиксэсь 
