|
|
Эрицятнень ламочист. XX пингестэнть Мордовиясо, кода Россиянть келескак, эрицятнень вейсэнь ламочист пек полавтневсь. Эрицятнестэ сехте ламо ульнесть 1929 иестэ – 1369,9 тыща ломанть. 1950-80-це иетнестэ велетнень аламолгавтомаст пингстэ пек киртявсть тосонь эрицятне. Сехте ламо сындест лововсть войнадо мейлень иетнестэ. 1969 иестэ сындест ульнесть 1040 тыщат ломанть. 1970 иестэ саезь республикань эрицятне свал аламолгадыть. Те толковави эрицятнень куломасонть ды лия таркав эрямо туемасонть. 1990-2001 иетнестэ республикань весе эрицятнень 53,6 тыща ломаньс аламолгадомаст пингстэ, велесэ эрицятне киртявсть 51,3 тыща ломаньс, ошсо жо – 2,3 тыща ломаньс (вансынек 4-це таблицанть).
20 пингенть ушодовомсто Мордовиянть келес эрицятне явновкшность вейкетьстэ. 1926 иестэ сындест среднестэ км2 лововсть 52 ломанть, велесэ – км2 51 ломань. Оштнень бойкасто покшолгадомась ды лия таркав эрямо кучомань политикась пачтясть эрицятнень аламолгавтомантень ды вейке таркас – Саранскойс сынст пурнавомантень. 2001 иестэ МР-сэ среденейстэ км2 савсть 34,9 ломань, тень пингстэ пелест районтнэсэ те невтемась ульнесь 12-17 ломанть вейке км2.
Лия таркатнес эрямо кучнемась ды оштнес эрицятнень пурнавомась. Неень шкасто эрицятнень явновомаст толковави эрямонь од таркань панжомасо. Эрицятнестэ 45 ламо процентт вейсэндявсть Мордовиянь административной прявтошонть – Саранскоенть перька 30-километрань таркасонть. Ошонь сехте ламо эрицятне пурнавсть чугункань кинть кувалт Пичкиряевасто саезь Чивалгома ёнов, Орданьбуенть видс Чивалгома ёнов. Мордовиянь промышленной виесь вейсэндязь куншкавидсэнть ды чилисема ёно.
Поволжьяннь мокшонь ды эрзянь велетнесэ среднейстэ эрицятнеде ульнесть седе ламо рузтнэнь ды татартнэнь коряс. Истя, Пензенской губерниясо 20 пингенть ушодовомсто мокшонь ды эрзянь велетнесэ среднейстэ эрясть 680 ломанть, рузонь – 530, татаронь велетнесэ – 510 ломанть. Малав эзть вастневе мокшонь ды эрзяень велеть, косо бу эрицятнеде улевельть 100 аламо ломанть, сень пингстэ, кода рузтнэнь истямокс ульнесь эрьва кеменце велесь. Эрицятнень киртявомань тувталокс ашти велетнесэ ломантнень ды сынсест велетнень аламолгадомась. Сехте бойкасто аламолгадсть пек покш (1000-3000 ломаньс) ды пек вишкине (100 ломаньде седе аламо) рузонь велетне. Сынст юткс а совавтовить райцентратне ды чугункань кинь станциятне. 1989 иестэ велетнесэ среднейстэ эрясть 350 ломанть. 1926 иенть коряс (601 ломань) сынь аламолгадсть малав кавксть. Мордовиясо оштнень бойкасто покшолгавтомась ушодовсь войнадо мейлень шкастонть. 1959 иентень ошнь эрицятне ламолгадсть кавтодо ламоксть, седе мейлень 10 иетнестэ – эште кавксть. Те шкастонть робочеень поселкатне ламолгадсть кевейксэес. 1989 иестэ сынст эйсэ среднейстэ эрясть 120 тыщат ломанть.
Кодат раськеть республикасонок эрить. Мордовиясо эрить мокшот, эрзят, рузт, татарт, украинецт, белоруст ды лия раськеть. 1930-це иетнень прядовомс Мордовиясо эриця раськетнень ютксо сехте ламо ульнесть мокшот ды эрзят, мезентень лездась Мордовской автономиянь теемась. 1939-59 иетнестэ мокшотне ды эрзятне аламолгадсть 12 %. Те толковавсь лия таркав эрямо тукшномасонть ды рузыямосонть. Неень шкасто республикасонть эриця эрьва кодат раськетнень ламочист невтеви истямо ладсо:
| Рузтнэде |
– |
540 тыщат, эли 60,8 % |
| Мокшотнеде ды эрзятнеде |
– |
284 тыщат, эли 31,9 % |
| Татартнэде |
– |
46 тыщат, эли 5,2 % |
| Украинецтнэде |
– |
4,8 тыща |
| Армянтнэде |
– |
1,3 тыща |
| Булорустнэде |
– |
1,2 тыща |
| Чуваштнэде |
– |
1,1 тыща |
Истя жо эрить азербайджанецт, цыгант, узбекть ды лия раськеть |
|
Сехте эрявиксэсь 
