Минденек кортыть

22.10.2009 МОРДОВИЯСЬ ВЕСЕМЕВА ИКЕЛЬЦЕТНЕНЬ ЮТКСО

Октябрянь 20-це чистэнть Мордовской университетэнь механикань ды энергетикань институтсонть панжовсь «Повышение эффективности функционирования механических и энергетических систем» Весероссиянь научно-технической конференциясь. Тосо ульнесть Н.П.Огарев лемсэ МГУ-нь васенце проректорось Н.Е.Фомин, МР-нь Правительствань Председателенть васенце полавтыцясь – велень хозяйствань ды продовольствиянь министрась В.Н.Сидоров, Россельхозакадемиянь члентнэ, ученойть-практикть Равчирень весе регионтнэстэ ды Мордовиянь университетэнь механикань ды энергетикань институтонь тонавтыцятне ды студенттнэ. Ветясь конференциянть институтонь директорось, технической наукань докторось, профессорось П.В.Сенин

22.10.2009 КИНЬ ТЕИЦЯТНЕ ТЕШКСТЫЗЬ КЕНЯРКСЧИСТ

Неть читнестэ республикань Культурань кудосо кинь теицятне тешкстызь профессиянь праздникест. Сыненст поздоров марто пшкадсь Мордовия Республикань Прявтось Н.И.Меркушкин.
– Умонь шкатнестэ саезь китне ульнесть ломантнень вейсэндицякс, сюлмотнень кемекстыцякс, – мерсь Николай Иванович. Седе тов МР-нь Прявтось тешкстызе минек республикань китнень парсте ды алкукс тееманть, ламо иес сынст сатоманть. Тенень лездыть од технологиятнень ды неень шкань техниканть тевс нолдамось, важодицятнень ендо тевень алкукс топавтомась.

22.10.2009 «СЫРНЕНЬ СЕКСЬ» выставкасто – 19 медальть

Аволь умок Московсо роботась «Сырнень сексь» Весероссиянь агропромышленной выставкась, косо эсь ули-парост невтизь Мордовиянь кемгавтово агропромышленной комплексэнь предприятият.
«Сырнень сексь» выставкасто ламо казне марто велявтсть кудов Чаунзань райононь «Мечта» ОАО-сь. Предприятиянь ловцонь продукциянтень максозь выставкань комитетэнь кавксо медальть. Ды весе сынь сырнень

22.10.2009 ШКОЛАТНЕСЭ АНДОМАДОНТЬ

Саранск ошонь округонь Администрациянь совещаниясо кепсезель школань столовойтнень од условиясо важодемаст коряс кевкстемась. Социальной политикань коряс департаментэнь директорось Галина Лотванова толковизе, келя, весе оборудованиясь сась ды ушодовсь сонзэ пурнамозо-аравтнемазо.

22.10.2009 МАРЬЯША ЧИЙНИ ВЕСЕМЕДЕ ЭРЯЗАСТО

Московсо ютавтозь тулевксэнь пелькстамотнесэ Мордовиясто Марьяша тувинесь икельдинзе весень. Ракшась совавтозель «Росагролизингень» сборноенть составс. Тосо кирдськак республиканть честензэ. Вадрясто анокстазь 12 спортсментнэнень сон кармась виев конкурентэкс. Сень лангс апак вано, тренировкатнесэ Марьяша аштесь сулей экшсэ ды арасель сетнень ютксо, кинь лангс путнесть кемемат, Мордовиянь АПК-нь воспитанницась пелькстамосонть невтсь изнямонтень алкуксонь бажамо. Васенцекс ношкстась стартстонть ды васенцекс ютызе финишень линиянть.

22.10.2009 ВАЖОДИЦЯТНЕНЬ ШУМБРАЧИСТ ПАРОЛГАВТОМГА

Неть читнестэ Республикань Кудосо ютавтовсь Мордовской республиканской социально-трудовой отношениятнень ладямост коряс колмо енксонь комиссиянь заседаниясь. Заседаниянть панжизе ды ветясь МР-нь Правительствань Председателень полавтыцясь М.С.Сезганов. Кортамось мольсь важодицятнень шумбрачист паролгавтомадо, ютазь иестэ эрицятнень ютксо башка диспансеризациянть ютавтомадо, истя жо отраслятнесэ тарифень Соглашениятнень тевс нолдамсто тевень максыцятнень, важодицятнень праваст ванстомадо.

22.10.2009 Пелькстасть велень спортсментнэ

СНГ-нь мастортнэнь ютксо велень спортонь налксематне Оренбург енксонь Сорочинск ошсо ютавтовсть васенцеде. Сынь – раськеютконь. Участниктне, меремс, сакшность икелень СССР-нь весе таркатнестэ. Оренбург енксов пелькстамо якасть спортсмент Мордовиястояк ды сайсть тосо медальть. Михаил Костерин Мордовиянть коронзо кирдсь гирянь кепсемстэ 90 килограммань категориясо.

22.10.2009 Кубокось тусь Ромодановав

«Старт» стадионсо неть читнестэ ютась Мордовиянь футболонь чемпионатонь меельце налксема. Вастовкшность те иень чемпионатонь изницятне Заречной ошонь «Союзось» ды Мордовиянь Кубоконь азортнэ – Ромодановань «Вымпелэсь». Ледстясынек, васенце командась Пенза енкссто. Сон уш а васенце ие налкси Мордовиянь чемпионатсо ды добовакшны изнявкст.

12.07.2007 Мордовиянь Теньгушевской районов моли Венгриянь делегация

"Шумбрат, финно-угрия!" Международной финно-угорской фестивалень шкасто Республика Мордовиянь Теньгушевской районов молить Венгриянь представительтне. Теде РИА "Инфо-РМ-нь" пачтясь Мордовиянь Теньгушевской муниципальной райононь аппаратонь руководителесь Валентина Капранова. Делегациясь ашти 25 ломаньстэ, сынь весе "Хайдэ" киштемань фольклорной коллективень участникть.

11.07.2007 Шумбрат, финно-угрия!" Международной финно-угорской фестивалень панжомсто Мордовиянь столица вельксэс появи пиземень чирьке

"Шумбрат, финно-угрия!" Международной финно-угорской фестивалень панжомсто Мордовиянь столица вельксэс появи пиземень чирьке (радуга). Сонзэ кармить тееме Саранск ошонь пожарнойтне.

10.07.2007 Мордовиясо панжовсь этнографонь ды антропологонь конгресс

Республика Мордовиясо овторникстэ панжовсь этнографонь ды антропологонь Международной VII-це конгресс. Научной форумось алтазь обществань ды государствань ламонь этничествантень. Мордовияв састь Россиянь, Япониянь, Литвань, Швециянь, Великобританиянь, Германиянь, Болгариянь, Украинань, Белоруссиянь, Узбекистанонь ды эште 14 масторонь этнографт ды антропологт.

09.07.2007 Мордовиянь Прявтось вастовсь КПРФ-нь лидерэнть Геннадий Зюганов марто

Недлясто Мордовиянь Прявтось Николай Меркушкин вастовсь Государственной Думань фракциянь руководителенть, российской коммунистической партиянь лидерэнть Геннадий Зюганов марто. Вастомасонть кортазельть социально-экономической кевкстематне, минек республикань политической тевтне ды Государственной Думань декабрь ковсто выборс анокстамотне.

05.07.2007 Мордовиянь Прявтось сермадсь ТГК-6 марто энергетикасо сотрудничествадо соглашения

Мордовиянь Прявтось Николай Меркушкин цетьверьгсэ сермадсь "Территориальная генерирующая компания N 6" ОАО-нь генеральной директоронть Владимир Привалов марто минек республикань энергетикасо сотрудничествадо соглашения. Документэнть прявт тезисэкс кармась Мордовиянь потребительтнень туртов энергетикань кеме роботась. Николай Меркушкин тешкстызе, што минек республикань экономической процесстнэ энергетической комплексэнь тевс нолдамотнеде молить икелев.

05.07.2007 Мордовиясо Россиянь Президентэсь Владимир Путин вастови финской президентэнть Тарья Халонен марто

Мордовиясо Россиянь Президентэсь Владимир Путин вастови финской президентэнть Тарья Халонен марто. Те информациянть РИА "Новости"ссылка лангс невтезь евтни Gazeta.ru.

04.07.2007 Мордовиянь Прявтось Самарасо кортынзе экономической сотрудничествань кевкстематнень

Мордовиянь Прявтось Николай Меркушкин Самарасо овторникстэ "Российские железные дороги" акционерной обществань президентэнть Владимир Якунин марто кортызь "РЖД" ОАО-нь ды республикань знярыя предприятиятнень экономической сотрудничествадо тевтнень. Васняяк, кортамось мольсь "Электровыпрямитель" заводто ды "Мордовия" вагоностроительной компаниядо. Истяжо токазельть железнодорожной од вокзалонь Саранск ошсо строямонь кевкстематне.

03.07.2007 Мордовиянь столицасо кортызь "Лисма" ОАО-нь икелепелень тевензэ

Республика Мордовиянь Прявтось Николай Меркушкин понедельникстэ ютавтсь промкс, косо ульнесть республикань Правительствань Председателесь Владимир Волков, промышленностень министрань полавтыцясь Вячеслав Сухарев ды "Лисма" ОАО-нь генеральной директорось Виталий Козлов..